|
The largest
online collection of Somali poetry
Intiinii la socotay waxaan
dhawaan idin soo gaadhsiinay cajalad uu duubay Cabdullaahi Dhoodaan
oo uu ku toosinayey khaladyo badan oo taariikhda laga galay
iyo suugaan badan oo la marin haabaabiyey. Waxaan isla
xilligaa idiin balan qaadnay inaan ka shaqaynayno soo hellidda cajal
kaa la mataan ahaa. Waxaan idiinku bishaaraynaynaa inaan
middii labaadna gacanta kusoo dhignay oo aad halkan hoose ka
dhagaysan kartaa. Dhagaysi wanaagsan.
Gabayadan oo qoraal ah ayaan
soo sidnaa sida xamaalkii . Ha u daymo la'aanin inaad qoraalka
ka libaysato oo aad akhriska iyo dhagaysiga kolba mid ku nasato ka
dib markaan kusoo giraangirino.
Tixihii
Maax Dhagoole bal kusoo dhawow:
Maxaa Dhagoole ayaa gabayadii
ay is dhaafsadeen Camanje, Cali Geele, iyo Beenaleey loo geeyey
kolkaa ayuu isna wuxuu ku darsaday gabay aan ka hayno:
-
Abtiyaashay anigaa aqaan,
nimanka Iidoore
-
Ha ka aamusnaadeen Absame,
waan abhinayaaye
-
-
Aroortay yimaadeen iyagoo,
awr faruun xidhane
-
Irriduu yaxoobaa siddii, ood
fadhiisin ahee
-
Uurtuu ka reemaa siddii,
igadh cayuumeede
-
-
Cirka oo unkadi buu yidhaa,
adhiga ii looge
-
Aqal aad ah buul ooraluu, ka
ag samaystaaye
-
Aagaamuhuu kala yaqaan, ta u
iniin roone
-
-
Aboodaan ka gubi buu yidhaa,
ubad fayoobaaye
-
Istalaab xun buu kaga dhigaa,
meeshan oofta ahe
-
Ilamahan galabtuu iman,
aabihii dhalaye
-
Afcastuna markaasaay dishaa,
kabadhe Iidoore
-
...
Mar kale oo uu gabay dhinaca
Isaaq u diray waa kii lahaa waa inta aan hayno ee:
-
Iidoor qardoofaan lahayn,
tan iyo Qaabiile
-
Qasrigaasu waw kala xidhnaa,
qolada Daaroode
-
Waxaanse qoodhihii jaray,
markaan Qaar-cayuun idhiye
-
Ma kitaab Quraanaan ka dayey,
qeexanaa hadalku
-
-
Hadda uu qaliil kama baxoow,
qeyd macaash yahaye
-
Hadda uu qar ooddan iyo sool,
qaali mariyaaye
-
Hadda uu qaraamaad ka guran,
qollada Hiiraane
-
Hadda uu qashwado fool xun
iyo, quluc biyeystaaye
-
Hadda uu quddaha leefayaa
waa, qorqodihiiye
-
...
Markii kalana waa tii laga soo
wariyey:
-
Milix keentayaa iyo adhyaha,
marin ka doontaaba
-
Macaluul wax kagama dhintaan,
macawisaalowe
-
Malax badane siddii Moor
garba la’, min isku heeryeeye
-
Mantag celiye miir
daaca-qudhun, kala musbaaxayste
-
...
Gabaydaa dhex mari jiray
nimankii Isaaq iyo Maax Dhagoole waxaa ka mid ahaa mar ay qolo hadal
usoo fareen Maax oo ay yidhaahdeen:
-
Sin baneeye bawdkiyo habraha,
bari ka sheekeeye
-
Barin goon leh iyo meel
banaan, boodhka kala xaadhe
-
Bisqinyaha habaaskii galay,
dib uga baandheeye
-
Halkuu baadi doonkii ku
helay, boodhka ka afuufe
-
...
Markaa
ayuu Maaxna u caliyey:
-
Kalya cune kalluun xadhig ku
dabe, kuudud qumayaale
-
Muslinka oo karuurkiisa
dhama, kiishad madhan hayste
-
Koran xabagi oofaha jartiyo,
nirig kabaalayste
-
-
Kub habaasle waagii barayaba,
kadinka taagnaade
-
Meeshiyo kaxdii Dhoobo Weyn,
kolay la meerayste
-
Wax karkariye dheef laga
kibriyo, madaxyo kiikayste
-
Kuraantiyo intuu madaxa cuno,
kalalax maadoole
-
-
Kanbal reer intuu yuurursado,
meel xun kamandhuudhe
-
Siddii nirig kaliilada lahaa
oo, hal loo kiciyey
-
Kamiintii hunguri buu qabaa,
kadan lasoo roorye
-
-
Kayntaa markii uu u baxo ee,
ka kale doonto
-
Kunkii la cadcadaab ma u eg
yahay, kadaf godkii waayey
-
...
Gabayada Maax ee kale bal soo
raadi. |
