Gabaygan Hami la yidhaahdo, sida aad midhahiisa ka dhadhamin karto, wuxuu gabayaagu ku fasirayaa riyo uu ku riyooday. Haddii aad hayso qisadan oo dhan noo soo gudbi fadlan.
- Xalay Isniintii waxaa i helay toban umuuroode
- Asal gama’na ways idhi hurdana uurka kama seexan
- Indhahana makala qaadihayn, aragna way muuqday
- Afka kama dhawaaaqayn hadana, aamus ma aan yeelan
- Ogaan uma qoslayn oo hadana, iligyaday muuqday
- Aradkana dad kuma weheshanayn, ururna waan joogay
- Albaabada dibada baan ka iil, aqalna waan jiifay
- Istanbuuli cadar layma marin, udugana waydaaray
- Oon baa idilay oo biyaan ku agwareegaayay
- Onkod iyo hilaac roobna waa, nagu itaaleeyay
- ufo dhibicdu may wadin hadana, ooduhuu lulayay
- Awaartii manabin oo hadana, wuu anfacay kaynta
- Anfariir xaluunbaan hurdada oog la sookacaye
- Ilinkaan talaabada ku waday, kol aabaarahaaye
- Meeshaan abaarada kutago, aakhir bal aan eego
Gabayga waxaa nasoo gaadhsiiyey Cabdi Xiis. Mahadsanid.