• Walbahaari maayoo naftani, Waaxidkaw talinne
• Wallaala iima joogoo uumiyihii, waa horuu lumaye
• Hadduu Faarax waylaaqtan geli, ma anan wigloodeene
•  
• Waddadii Hargeysiyo haddaad, qabato Waaleedda
• Warka u lali wejiga Reer Xirsiyo, wadarta Reer Yuusuf
• Waabka ugu sheeg beesha oo, weeran baad tegiye
•  
• Haddaad shidho waraarkeed gashaan, weyda ka xishooda
• Wanka weyn ninkii heli karoow, waxarka haw leexan
• Wab markaad ka siisaan rijaal, mari wadiiqiinna
•  
• Yaan laydin waadhoolininee, dhiibo weydaarta
• Ka wareegta oo Reer Isaaq, weheshadoo raaca
• Waxba hadaydnaan noo dilin, cabbaar waranka soofeeya
• Warqadna nooga jara gaaladiyo, waalligiyo saydhka
• Jeeroon warfaayoow nimaad, wiira la hagoogta

Ma hubno gabaygani inuu dhamaystiran yahay.  Noo soo dir haddii aad wax ka hayso.