Qamaan baa waa carro Isaaq socdaal ku tagay.  Niman ay kulmeen ayaa gabadh ayaanu ku siinaynaa

siinaynaa ku yidhi, diiday inuu dhahana way la ahaan wayday.  Markuu Ciid kusoo noqday fariimo 

badana laga soo dabadiray ayuu gabaygan faray.

1.    Balan Nuur Dhirqeeyow la waa, bar uu wanaajaaye

2.    Bishaan imid bishaanu waa ku toban, beena loo dhimaye

3.    Waxaan bi'iyey mooyee ma jiro, ballo dhul taalaayee

4.    Anagu bawdo geel kama dhaqniyo, badhi ku taal naage

5.    Bus iyo weerar baasiyo col baan, Badow ku taabnaaye

6.    Baayaco hablihii kaaga hadhay, beed haday galiye

7.    Birtoo lala ordiyo geed ninkii, ba'ani hoos moodo

8.    Baraawida Ogaadeen waxay, barako moodeyso

9.    Bari-bari basbaas iyo caddiin, maraqaad bakaal mooddo?

10.  Bafto dhuulo lagu soo shaqliyo, baba-bacdaa yeedhi

11.  Waxba yaan bilbilihii Isaaq, laygu baayicine

12.  Waxba yaan banaadiri cad iyo, boqor i caydhayne

13.  Baryo ina-adeerow haddaan, badhax ku reereeyo

14.  Bukur caydh ah iyo wiil kolkay, bari ka soo qaaddo

15.  Buulkii yaraa daba fadhigii, yaan ka buubsanahay!

Isha gabayga:  Buuggii Qamaan Bulxaan: (taariikh iyo maanso). Muqdisho: Axmed Cabdi Haybe, 1980.

Ma dhana gabaygani ee soo raadi inta ka maqan oo nala soo socodsii.  Waxaan intan nasoo gaadhsiiyey  Xadiis Axmed Caabi.