|
|
Ibraahin wuxuu ahaa nin reer Wardheer ah, gabayganse markuu tirinayo
wuxuu joogay magaalada Jigjiga. Gabayga
qisadiisa oo gaaban waxaa weeye nin Majeerteen ah oo Haameey la
odhan jiray oo ay meel ka wada shaqayn jireen ayuu wan afar jir ah u
qalay abwaanku. Wuxuu ku yidhi cun hanbana lagaama rabo ee
calooshaadu waxay kuu qaado qaado. Haameey wuu ka noolaaday wankii,
wixii calooshu u qaadi weydayna weel ayuu ku ritay. Dhaqanka
Soomaaliyeed martidu waxay cuni karto ayey cuntaa, laakiin qaadashadu
waa ceeb.
Ibraahin isaga oo arintaa ka hadlaya jawaabna
ka bixnaya gabaygii Halac Dheere ee uu Cali Sharmarke tiriyey markii
dembana silsiladda noqday ayuu wuxuu yidhi:
- Dadka Dhabayaco heer lama ahayn, lama
heesayne
- Markuu Faranji heenseestay buu, soo
hanbaabiraye
- Huurmoodka Deex Bari ka yimid, way
hinbaabiciye
- Hebel magaca ay sheegayaan, uma hagmaayaane
- Hoggaan diid ah waatii dorraad, loo
hanbooriyaye
- Dhabayaco humag beenah, ways kaga hadaaqaane
- Saddex haloo kugu huursanaa, tan iyo
Haabiilba
- Kolkaad Orobo heegan u tahaad, la
hardafaysaane
- Hunle Tanade weeyee hadduu, hadal yar kuu
dhiibay
- Siddii heeshi webigoo kalaan, kuu
hafinayaaye
- Hal waxaan ku idhi heybta iyo, habarwicii
yeedhay
- Waxaad Koonbe uga haayirteen, Geri
halaagiiye
- Harti goloha kama yeedhi jirin, eega ka
horowe
- Wixii harag cadcadi suu cabbaar, kuu
hawadinaayey
- Wali Dhabayacooy kaama hadhin,
huutanimadiiye
- Holla xumaddu waa duugagii, inaad
hagaagteene
- Halla waxaa ka idhi kii haddeer, hononay ee
faaney
- Hidda boqor ma gaadhide waxyahow, midig ka
haaneedi
- Dhaqankiinii hiijada lahaa, ee huqdigu jiifo
- Iyo higiradiinaa yare e, idin hungaynaysa
- Hanaankii gun kaa dhigi jiraa, u hardio
weynaaye
- Hiyigaad ku xeertiin sidaan, kuu
haraatiyeyba
- Gooraad hagaagtiyo ma jirin, harra ku
maydhaaye
- Gobonimada saad jeer habeen, uga
huleesheenba
- Hadda siddii hormuud kuumadiyo, haybtayada
guudka
- Hulka xeebta idinkoo hundhudha, kuu
horjoogsadayba
- Lama arag habeen uu wanaag, kuu hoyaadtimaye
- Halla waxaan ka idhi reer Hartiga, kaba han
weyneyne
- Si’aad noo hareer joogsataan, dhaax la heli
doonin
- Sumuc idinku heeryee Kufriga, loo
hishiishiciyo
- Inaad wada hanfadayaal tihiin, maalintuu
hubiyo
- Sida waagii aad naga hadhuu, kuu haraatiyiye
- Hubka aan tolkay haysan ee, lagu halaagaayo
- Waxaa nogga hiirtaanyo badan, dood haweysiga
e
- Huubooyin buu nagu af-baray, huura-eyluhuye
- Halla waxaan ka leeyahay hanbiyo, tii
hungurigiiya
- Marti weelal heemaarsatoo, reer usoo hoyata
- Dad hanti leh hadhuub caano li’iyo, hoo
intuu bixiyo
- Hibashiyo catow kuma dareen dhiil, la
heensadaye
- Idinkaa hallada ceeba li’iyi, hayla qaab
darane
- Tu la hubo habaynkii Jigjiga, xeedhyo
hilibaysan
- Hanbo lagama doonayn siddii, reer hadhuub
suga e
- Waa Dhabayac uur hugucsan oo, dhabar
higaagnaaye
- Wan habeed leh goortuu liqiyo, fuud hal
jaban deeqa
- Kor u hilatadiisii intuu, hilib kasii
buuxsho
- Baruurtuu hanbaday soo higoo, haysan kari
waaye
- Hunqaacada kolkuu boodayee, sii
humaagsanayey
- Hankakoobsiguu fooraree, hogol butaacaayey
- Hucda iyo hacdii iyo wuxuu, kala
hiinraagaayey
- Hayaay iyo haween soo didiyo, ubad hurdaa
toosay
- Maxaa helay maxaa tallow hayiyo, hadaladii
faafay
- Hoostiina kama dhawrataan, hogaga ceebeede
- Haddaydaan Hartiba ma aha odhan, hunufka saa
yeelay
- Haameey xaggee jiray markii, Halac la
sheegaayey
Raggii Silsiladdii Haameey/Halac Dheere ku jiray ee Harti jawaab
ay ka bixiyeen gabaygan ma arag. Haddii aad hayso noo soo dir.
|
|