|
|
Maxamed Siyaad ayuu
gabaygan u mariyey gabaygan hoose. Sharaxaad uma baahna
oo way iska caddahay ujeedadiisu. Wuxuu yidhi:
-
Hindisaha Mareexaanka iyo, hooda xumadooda
-
Abidkood horseekooda waa, lagu hungoobaaye
-
Hogaankii Siyaad lagu jab iyo, habartii waalayde
-
Hawiye iyo Iidoor kolkuu, hoygii soo galiyey
-
Hantidii dadweynaha kolkuu, hoosta uga dhiibay
-
Daaroodna kala haadiyey yey, heedhay boqontiiye
-
Hubsadkuu Majeerteen la dhacay, hanadaduu laayey
-
Anigana habeenimo i gaday, horarku waagiiye
-
Heshiiskuu Amxaarada la galay, hoog ma laga qaaday
-
Habar Yoonis iyo Ciida Gale, labada haamoodba
-
Goortaan hadhuudhlaha ku daray, habar magaadloo dhan
-
Ee aan habkay gobi lahayd, halisaha u jiidhnay
-
Ee aan dhulkiiba hantiyey, ii hanjabadooye
-
Waa kii Absame haaligee, hees ma lagu qaaday
-
Waa kaa hudheeluhu qabsaday, halabadiisiiye
-
Habartiyo tumaalkii miyaa, hiil u gali waayey
-
Hangashtiyo baroonkii dabeed, holac ma leefsiiyey
-
Hadadaamadii faalka iyo, hadalkii beenoowye
-
Habar Gidir Xawaadliyo Abgaal, waw hanjabayaane
-
Habar wacadka Daarood muxuu, haatan uga yeedhan?
-
Aminkaa hogtuu nala ashaday, lagu horeeyaaye
-
Eeguu siddii habar dugaag, howdka xulayaaye
-
In kastoo halaagii ku dhacaym aniga haybkayga
-
Haa kaale maantaba haddii, haraga loo tuuray
|
|
|