Hordhicii iyo taariikhdii gabaygan murtida badan waanu idiin soo wadnaa. Meerisyada qaar waxaad mooddaa in ayna wada saxnayn. Soo sax.
- Toolmooni hadal waa inuu, tol u dhexeeyaaye
- Tuushkii xun iyo wiil yar waa, la isla tiirshaaye
- Waa laysku wada tiirsan yahay, sida tis oodeede
- Taabbaa la sii furi hadduu, kibir ku taabtaaye
- Wallee ina raggow talo adduun, taada uun ma aha
- Tamed aad ah adigoo tagoo, faro ku taagaystay
- Tunka yaa kusoo qaban haddaad, tered ku xaajooto
- Tarsigii la joogaba haddaad, turuqdo kii aad ah
- Mid unbaa tusmada kaa raroo, lagugu taagaaye
- Wallee ina raggow tallo adduun, taada uun ma aha
- Wiil taaninimo loo qiray oo, sida tarmiiggaas ah
- aan lagu tawixin oon lagdini, timaha boodhaynin
- Mid unbaa tab kula soo baxoo, laga tixraacaaye
- Wallee ina raggow talo adduun, taada uun ma aha
- Tufta iyo tahliishii wadaad, culimo towxiidka
- Tacdaariye haddii awgayow, lagugu tiimeeyo
- Mid unbaa tembiih soo dhigtoon, tacajib yaabnaaye
- Oo tuug ka dhiga kaan lahayn, waa tixdii nabiye
- Wallee ina raggow talo adduun, taada uun ma aha
- Haddaad kaligaa inaad taajir tahay, tuhunto uurkaaga
- Toodoowga xoolaha ninbaa, tulud kusii dheere
- Wallee ina raggow talo adduun, taada uun ma aha
- Tafa xaydka xaajada haddaad, taqasho waayeelka
- Tolkaad riixday aaqibi haddaad, yaraha taabsiiso
- Mid unbaa tallahida marooy, tiisa noqotaaye
- Wallee ina raggow talo adduun, taada uun ma aha
- Tobonkii kob joogtaba haddaad, turuqdo kii aad ah
- Kan danbaad signiin tahay inuu, kugu tubeeyaaye
- Wallee ina raggow talo adduun, taada uun ma aha