Gabayada cajiibka ah ee Raage Ugaas ee aan wax badan laga haynin waxaa ka mid ah gabaygan aan dhawrkaa tixood ee hoose ka helnay. Wuxuu gabayaagu timaamayaa waxyaalo dhawr ah oo dhaqanka suuban ee Soomaalida gundhig u ahaan jiray. Wuxuu yidhi:
- Sud libaax leh meel bahal salkiyo, saymo la arkaayo
- Sanqadh tirashadaa lagu maraa, laga ma soo saaro
- Suryo oodan meeshii surdub ah, suul haddaad geliso
- Qunyar baa siddaha loo baxshaa, laanta la ma saydho
- Ninkii maalintaa ka sita een, laga sad qaadaynin
- Sawd gibin ah baa loo ceshaa, laguma sooyaansho
Soo raadi gabayga badankiisii waa maqan yahayee.